Lade Veranstaltungen

« Alle Veranstaltungen

Een Froo för den Klabautermann – Theatergruppe des MTV Ramelsloh

21. September @ 19:30

MTV-Theatergruppe

 „Een Froo för den Klabautermann“

von Christof Wehking

 

„3 Mannslüüd bruukt een Froo“ Wonehm dat Stück vun hannelt

Männichmal kann een Arvschop ok to’n Last warrn. So geiht dat ok de dree Bröder in uns Stück. Ole (50 Johr olt), Nils (40 Johr olt) un Jens Sörensen (30 Johr olt, also all fein akraat in densülvigen Afstand geboren) hebbt vun jüm ehrn Unkel een Gastwirtschaft arvt, den „Klabautermann“. Nu sünd de dree aber vun Natur ut keen Gastwirte. Se föhrt veel lever mit jüm ehr Schipp up See rut un fischt Granat, also Krabben. Nu hebbt se afmaakt, dat se jümmer to tweet fischt un de drütte mutt denn den Kröger speelen, jümmer ümschichtig. Weil se to de Wirtschaft aber keen Lust hebbt (obwohl se giern ein’n drinkt), keen Froo in’n Huus is un se ok keen Huushöllersch finn’n künnt, verkummt de ganze Kraam mit de Tiet in Schiet un Dreck.
Doch de Breefdrägersch Lisa Paulsen weet Rat: een vun de dree mutt sik opfern un heiraten! Schnell sünd sik Ole un Nils eenig: Jens mutt freen, weil he de Jüngst is. Dor kann he sik noch so dull wehren.
Nu is dat mit dat Heiraten aber so’n Saak: du machst dat noch so giern wüllen, wenn dor keen Froo is, de ok will, denn ward dat schwierig. Wo kriegt de dree nu aber een passende Froo her? Lisa hett de Lösung: een Heirats-Annonce mutt upgeben warrn, Öwerschrift „Herzenswunsch“. In de Twüschentiet helpt Lotti, Lisa ehr Nichte, de jüst bi ehr in Urlaub to Besöök is, de dree Fischers ut dat Gröwste rut. Dat gefallt de dree Seelöwen so goot, dat … aber nu harr ik bald to veel verraden. Kiekt jo dat man ruhig sülven an. Denn ward ji ok gewohr, wat dat för Froonslüüd sünd, de sik up de Heirats-Annonce mellen dauht un wat de Sörensens för’n Indruck up düsse Heiratskandidatinnen makt. Een dorvun, Rosemarie Poolmann, bruukt jedenfalls achteran eenen Rechtsbeistand. De heet Else Trödelmeyer un is eegentlich een ganz vernünftige Froo, de irgendwann de Nees vull hett un up den Disch haut. Worüm se dat deiht, worüm se to’n Schluss noch ‘n Kirschlikör kriggt un ob dat glücken deiht mit de Heiraterei, dat künnt ji all in uns neiet Theaterstück seihn. Denn gifft dat ok een Antwurt up de wichtigste Fraag: ob sik leßden Enn’s woll een Froo för den Klabautermann finnen deiht.

Otto Cordes

Details

Datum:
21. September
Zeit:
19:30
Veranstaltungskategorien:
,

Veranstalter

Theatergruppe des MTV Ramelsloh
Telefon:
0163 - 8435481
E-Mail:
theater@mtv-ramelsloh.de
Website:
www.mtv-theater.de

Veranstaltungsort

Landeskirchliche Gemeinschaft (LKG) Ohlendorf
Missionsweg 11
Seevetal-Ohlendorf, 21220
+ Google Karte
Telefon:
04185-2443
Website:
https://lkg-ohlendorf.wir-e.de/aktuelles